Kulan ay ka muuqatey farxad iyo kaftan ayaa waxaa la sheegay inuu ku dhexmaray garoonka diyaaradaha ee dalka Kenya madaxweynaha Soomaaliya Xasan Shiikh Maxamuud iyo madaxweynaha maamulka Puntland Cabdiraxmaan Faroole.
Kulankaan oo u muqday mid la soo qorsheeyey oo ay madaxdaasi isku arki lahaayeen ayaa Madaxweynaha Jamhuuriyada Federaalka Soomaaliya Mudane Xasan Shiikh Maxamuud waxaa uu ku soo dhaweeyey oo uuna kula Kulmay Madaxweynaha Maamulka Puntland Cabdiraxmaan Faroole, iyadoona uu halkaas ku dhex marey kaftan iyo is marxabeyn u muuqatey mid kal iyo laab ah islamarkaan ay halkaas isku dhaafsadeen hadalo kaftan ah, Sidoo kale ayaa waxaa halkaas uu madaxweynaha Puntland uu kula kulmay Yuusuf Garaad Axmed oo asagana kula kaftamay hadalo ay ka mid ahaayeen nin kugu soo dhaweeyey dal uusan lahayn soo rag ka rooni ma'ahan.
Ugu dambeymtiina iyadoo muuqaalkaas ka muuqday madaxdaas Soomaaliyeed uu yahay mid ka duwan feker ay aamisnaayeen qaar badan oo ka mid ah dadka Soomaaliyeed islamarkaana meesha ka saaraaya inuu jiro qilaaf weyn oo u dhexeeya Dowlada Soomaaliyeed iyo maamulka Puntland ayaan arintaan la ogeyn inay tahay kulamo ay dadka Soomaaliyeed ay horey uga soo daaleen oo ahaa mid aan niyad ahayn, wararka ayaa sidoo kale waxay sheegayaan in madaxweynaha Soomaaliya Xasan Shiikh Maxamuud iyo madaxwnaha maamulka Puntland ay kulan ay ku yeeshaan halkaas ay si wanaagsan isugu af garteen waxyaabihii ay ka wada hadleen, Laakiin inuu kulankaas uu ahaa mid ka daacad ah sida uu ugu muuqday dadka Soomaaliyeed ayaa dib laga ogaan doonaa iyadoona ay qaar badan oo ka mid ah dadka Soomaaliyeed ay muuqaaladaas ku sheegeen inuu ahaa qiyaali iyo maaweelo loo dhigaayo dadka Soomaaliyeed.
Abdirizak M. (Xiireey) Holland Abdirizakxiireey@hotmail.com
