Dhalinyaro Soomaaliyeed oo tahriib ahayd ayaa waxaa la sheegay in si xun oo naxariis daro ah islamarkaana bini'aadanimada ka baxsan jirdil loogu geystey iyadoona dhalinyaradaas oo lugaha iyo gacmaha ka xir xiran si joogto ah oo arxan daro ah loo garaacey.
Daawo Muuqaal Ahaan jirdil loogu geystey Soomaalida Tahriibka ah
Dhalinyaradaan Soomaalida ah oo aan run ahaantii la ogeyn xilliga iyo meesha lagu garaacay ayaa waxay wararku qaar ay sheegayaan inay tahay xadka u dhexeeya wadamada Yeman iyo Sacuudi Carabiya iyadoona ay wararku sidoo kale ay sheegayaan inay yihiin waxa sidaas arxan darada ah u garaacaaya muwaadiniintaas Soomaalida booliiska dalka Yeman oo ku soo eedeeyey inay ku gudo jireen tahriib ay damacsanaayeen inay ku galaan dalkaas Sacuudiga, Dhalinyaradaan Soomaalida ah oo laga xir xiray lugaha iyo gacmaha ayaa waxaa si arxan daro ah loola dhacaayey karbaash iyadoona ay dhallinyaradaasi uu cabaadkooda baxaayey xanuun awgiis taas oo ragii garaacaayey aysan waxba u jxin jixaynin qaylada iyo oohinta ka baxaysay Soomaalidaas sida xun loo jirdilaayey oo ayna si joogto ah ugu sii wadeen garaacidaas.
Ugu dambeyntiina iyadoo ay arintaan ka mid tahay dhibka heysta dadka Soomaaliyeed ayaa waxaa sidoo kale horey u jirey dhalinyaro Soomaaliyeed oo tahriib ku jirey oo lagala baxay qeybaha muhiimka ah ee xubnaha jirka bini'aadanka ka dib markii ay u gacan galeen kooxo ka ganacsada xubnaha jirka bin'aadanka xilli ay ku gudo jireen socdaalkooda tahriibka meel ku beegan saxaaraha u dhexeeya wadamada Liibiya iyo Suudaan, Dadka Soomaaliyeed ayaa waxay noqdeen kuwo ku dhibaateysan meelo badan oo ka mid ah aduunka.
Abdirizak M. (Xiireey)
Holland
Abdirizakxiireey@hotmail.com |
