Guriga hooyooyinka Soomaaliyeed oo dhawaan dayactir lagu sameeyay lana filaayay in maanta lagu xuso maalinta haweenka aduunka ee sideeda Marso ayaa si lama filaan ah fashil ugu yimid arintaasi kadib markii ururka haweenka qaranka Soomaaliyeed oo madaxdiisa wali leesku heesto ay ku murmeen cidda xaflada ku qabaneysa.
Batuulo Axmed Gaballe ayaa waxa ay sheegataa in ay tahay hogaanka ururuka Haweenka Qaranka Soomaaliyeed iyada oo Ubax Tahliil Warsame iyana ay isku tilmaamatay in ay tahay hogaanka ururka haweenka qaranka Soomaaliyeed, waxaana arintoodu ay gaartay wasaaradaha arimaha gudaha iyo horumarinta Bulshada oo labaduba isku raacay in gurigaasi labada urur ee isku bar bar ordaya midkood uusan wax xaflad ah ku qabsan Karin ilaa ay yimaadaan iyaga oo israacsan.
Intaasi kadib ayaa garabka ay hogaamiso Batuulo Axmed gaballe waxa ay xafladoodii ku qabsadadeen Daljirka dahsoon halkaasi oo ay uga qeyb galeen bushada dhinacyadeeda kala duwan, waxaana halkaasi gaada ka ciyaar kusoo bandhigay haweenka Soomaaliyeed ee ciidamada kamidka ah iyaga oo weyneynaya maalintaan qiimaha u leh haweenka dunida oo dhan.
Gaballe oo munaasabada ka hadashay ayaa tiri, “Laba iyo labaatan sano oo aan loo naxariisan ayey soo mareen haweenka Soomaaliyed. Wali xerya qaxooti ayeey ku jiraan. Istitaal la’aan ayeey dhiig bax ugu dhintaan. Waxaan filayaa in hada wixii ka danbeeya aan wanaag ku noolaa doonno”.
Maalinta haweenka dunida oo xuskeedu uu soo bilaawday 1909-kii ayaa waxa ay tahay maalin lagu xasuusto haweenka laguna soo bandhigo dhibaatooyinka loo geesto haweenka oo u dub dhexaad u ah hanaanka geedi socodka aduunka.
