Xasan Jaciir oo galabta lagu dilay Suuqa Bakaaraha iyo Al-shabaab oo ka hadashay

Dabley ka tirsan Al-Shabaab ayaa galabta Suuqa Bakaaraha ee magaalada Muqdisho ku toogatay Mid ka mida Odayaashii soo xulay Xildhibaanada Baarlamaanka kaasoo magaciisa lagusoo gaabiyay Xasan Jaciir sida lagu sheegay war caawa kooxdan ay soo saartay.

Al-shabaab ayaa intaa ku dartay in Xasan Jaciir uu ahaa Oday dhaqameed sanaddihii lasoo dhaafay magaalada Jowhar uga qeyb galayay fadhiyadii lagusoo xulayay xildhibaanada Baarlamaanka dowlada federaalka ee laga soo doortay maamulka Hirshabeelle.

Warka ka soo baxay al-shabaab uu lagu daabacay baraha internetka ee taageera ayaa lagu sheegay in sidoo kale Xasan Jaciir uu mudooyinkii dambe ku howlanaa diyaarinta rag ilaalo u noqda Xildhibaanad Qamar Faarax Dhagaweyne oo ka tirsan Baarlamanka Federaalka.

Al-Shabaab ayaa sheegatay mas’uuliyadda weerarka lagu dilay Xasan Jaciir, mana jiro war ka soo baxay saraakiisha amaanka dowlada Somalia oo ku saabsan dilkan oday dhaqameedkan.

Xafiiska Shabakada Allbanaadir.com
Muqdisho Somalia
Allbanaadir@live.com